Արարատի մարզի Այնթապ գյուղի գերեզմանների հարևանությամբ տևական ժամանակ է՝ տիրում է հակասանիտարական վիճակ ու գարշահոտություն։
Արդյոք Արարատի մարզպետ Սեդրակ Թևոնյանը, Մասիս խոշորացված համայնքի ղեկավար Դավիթ Համբարձումյանը, Այնթապ վարչական շրջանի ղեկավարը տեղյա՞կ են, թե ինչի է վերածվել այդ հատվածը, որտեղ թափված են մի քանի տոննա կենցաղային ու շինարարական աղբ, սատկած կենդանիների լեշեր ու այդ ամենի «հերոսները» մինչ այժմ վստահ լինելով, որ չեն հայտնաբերվի ու պատասխանատվության չեն ենթարկվի, շարունակում են բնության «հերն անիծել»։Այստեղ անելիք ունեն նաև ՀՀ ներքին գործերի նախարարության Ոստիկանության համայնքային ոստիկանության գլխավոր վարչության Մասիսի բաժնի ծառայողները, ովքեր, եթե ցանկություն ունենան, օրերի ընթացքում կարող են հայտնաբերել աղբը լցնողներին, ապա ենթարկել վարչական պատասխանատվության, պարտավորեցնել իրենց թափած աղբը հեռացնել, որ չփորձեն այլևս բնության նկատմամբ նման ոտնձգություն անել, նույնիսկ ճիշտ կլինի, որ նման «փնթիների» տվյալները հրապարակվեն, ինչը դաս կլինի, որ հետագայում նման վերաբերմունք չցուցաբերվի՝ անկախ քաղաքից ու մարզից։Մանրամասները սկզնաղբույր կայքում․
