Այն, որ վերջին տարիներին Մասիս խոշորացված համայնքի ղեկավար Դավիթ Համբարձումյանի գլխավորությամբ մեծ առաջընթաց է արձանագրվել Մասիս քաղաքում և վարչական բնակավայրերում կանաչ գոտիների, խաղահրապարակների ստեղծման, շենք-շինությունների հիմնովին վերանորոգման, աղբահանության և այլ ոլորտներում, գաղտնիք չէ։Գաղտնիք չէ նաև այն, որ համայնքապետի գլխավորությամբ մեծ տեղ է հատկացվում նաև արցախյան բոլոր պատերազմներում նահատակված, լեգենդ դարձած հերոսների հիշատակը վառ պահելու գաղափարը, այդ թվում՝ դպրոցներում, ուսումնական հաստատություններում ու բակային հատվածներում կազմակերպվում են տարաբնույթ միջոցառումներ։Այսօր՝ մարտի 30-ին, հերոսներին նվիրված հերթական միջոցառումն էր Մասիս քաղաքում։
Օրը ռեկորդային էր։ Մասիսի քաղաքապետարանի աջակցությամբ կազմակերպված հերթական աննախադեպ միջոցառմանը ներկա էին հերոսածին մայրեր, հերոսների հայրեր, Ապրիլյան քառօրյա պատերազմում նահատակված, լեգենդ դարձած հերոս Ռոբերտ Աբաջյանի հայրը, պապիկը, 44-օրյա պատերազմում նահատակված, լեգենդ դարձած հերոս Տարոն Անդրեասյանի հայրը, ընտանիքի անդամները, սիրված «Մագավտո» հաղորդաշարի հեղինակ, սիրված հաղորդավար Մագա Մարտիրոսյանը, զինակից ընկերներ, հյուրեր ոչ միայն մայրաքաղաքից, այլև մարզերից։Մասիսի համայնքապետարանի աջակցությամբ կազմակերպված աննախադեպ այս միջոցառմանը ներկա էին նաև Մասիսի համայնքապետ Դավիթ Համբարձումյանը, համայնքապետարանի ներկայացուցիչներ, բնակավայրերի վարչական ղեկավարներ, բազմաթիվ հյուրեր, բնակիչներ։Այսօր Մասիս համայնքի բնակիչ, 16 ռեկորդների հեղինակ 9-ամյա Դավիթ Պետրոսյանը սահմանեց հերթական ռեկորդները` դրանք նվիրելով մասիսցի զոհված հայորդիների հիշատակին։Մանրամասները սկզնաղբույր կայքում․
