Հարգելի՛ Մասիս խոշորացված համայնքի բնակիչներ Երեկ ընտրություններում հաղթեց Մասիս խոշորացված համայնքի բնակչությունը, որովհետև ընտրությունը կատարում է բնակիչը։ Այսօր ես կրկնում եմ տեղի է ունեցել ընտրություն, որտեղ հաղթել է բնակիչը և ես Ձեզ շնորհավորում եմ, հարգելի բնակիչներ։ Թող մեր բոլոր սպասելիքները իրականանան։ Հատուկ երախտագիտությունս եմ հայտնում, նրանց, ովքեր հավատացին և ընդունեցին այս օրերի իմ դիրքորոշումը։ Ես հպարտ եմ կայքի հանդեպ ձեր ունեցած վստահության և մեզ այս օրերի ձեր աջակցության համար։ Այս նախընտրական շրջանում ես հավատարիմ եմ մնացել իմ սկզբունքներին և պայքարել եմ հանուն իմ քաղաքի բարեկեցիկ ապագայի։ ԵՒ նման օրերին, միշտ այդպես կլինի։ Այսօրվանից <<Մասիս տեղեկատու>> կայքը ևս անցնում է քրտնաջան աշխատանքի, որպեսզի հասցնի Մասիս համայնքը իր երազած «խելացի քաղաքի»։ Մոտ ժամանակներս Մասիս քաղաքին միացված բոլոր համայնքները նույնպես ընդգրկվելու են մեր տեղեկատվական կայքում։ Ես շնորհավորում եմ բոլոր կողմերին և կոչ եմ անում մի կողմ դնել անձնական շահերը և սկսել աշխատել իր ձայնը ձեզ վստահած բնակիչների շահերից։ Այսօրվանից ձեզ վրա ծանր բեռ է դրված։ Ձեր ամեն մի ծրագիր պետք է լինի իրագործելի և ուղղվի բնակիչների կյանքի բարելավմանը։ Հարգանքներով՝ Աշոտ Բաղդասարյան
