Ավազակություն Սուրենավանում․ Արարատի համայնքային ոստիկանների բացահայտումը. ՏԵՍԱՆՅՈՒԹ

2023-03-24 06:04:20 415 դիտում

Մարտի 22-ին Արարատի բաժնի համայնքային ոստիկանության բաժանմունքում ստացված տեղեկությունների հիման վրա ձեռնարկված միջոցառումներով պարզվեց, որ մարտի 16-ին 40-ամյա մի երևանցի Սուրենավան գյուղի կենտրոնական ճանապարհին նստել էր «Մերսեդես» մակնիշի մի մեքենա և վարորդից պահանջել, որ այն վարի Մարմարաշեն բնակավայրի ուղղությամբ՝ սպառնալով հակառակ դեպքում վնասել նրան: Արմաշցի վարորդը վախից իջել էր մեքենայից և նկատել, որ ուղևորը հափշտակում է մեքենայի նվագարկիչը, համարանիշերը և իր անձնագիրը: Մարտի 22-ին 40-ամյա տղամարդը Մասիս քաղաքի Հանրապետության փողոցում հայտնաբերվեց ու ձերբակալվեց։ Նա ներկայացվել է Վեդիի քննչական բաժին, որտեղ էլ նախաձեռնվել է քրեական վարույթ։ Հանգամանքները նախաքննությամբ պարզվում են։ ` Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: