Այսօր Մասիս համայնքի ղեկավար Դավիթ Համբարձումյանը հյուրընկալեց Մասիս քաղաքի Առնո Բաբաջանյանի անվան երաժշտական դպրոցի սաներին և նրանց ուսուցիչներին: Հանդիպմանը մասնակցում էր նաև Մասիս համայնքի ղեկավարի օգնական Ռ. Հովհաննիսյանը: Կրթօջախի տնօրեն Գ. Բաղդասարյանն ուրախությամբ տեղեկացրեց, որ ինչպես նախորդ տարիներին, այնպես էլ 2024թ-ին նույնպես դպրոցի սաները մասնակցել են տարբեր մրցույթ-փառատոնների և զբաղեցրել պատվավոր հորիզոնականներ: Երեխաները նույնպես անթաքույց հպարտությամբ ներկայացրին իրենց ձեռքբերումները: Համայնքի ղեկավարը շնորհավորեց կրթօջախի սաներին և մաղթեց, որ հետագայում նույնպես բարձր պահեն Մասիս համայնքի անունը: Դ. Համբարձումյանը բարձր գնահատեց դպրոցի ուսուցիչների կատարած աշխատանքը, ինչի արդյունքը սաների հաջողություններն են: Ուսուցիչներն էլ շնորհակալություն հայտնեցին Մասիս համայնքի ղեկավարին՝ մշտական ուշադրության ու հոգածության համար:
