Հուլիսի 31-ին ՆԳՆ ոստիկանության Արարատի օպերատիվ կառավարման կենտրոն «Էրեբունի» բժշկական կենտրոնից հայտնել են, որ շտապօգնության խումբը կտրած-ծակած վնասվածքով բուժօգնության է տեղափոխել Դարբնիկ գյուղի բնակիչ 52-ամյա տղամարդու»:Ոստիկանության Մասիսի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ հուլիսի 30-ի ժամը 23.50-ի սահմաններում Դարբնիկ գյուղի Անդրանիկի փողոցում գտնվող հանրակացարանի բակում վիճաբանել են բուժօգնության տեղափոխվածն ու 17-ամյա համագյուղացին, որի ընթացքում էլ վերջինս սուր կտրող-ծակող առարկայով հարվածել է 52-ամյա տղամարդու որովայնին:Դարբնիկցի 17-ամյա երիտասարդը ձերբակալվել և տեղափոխվել է ոստիկանության Մասիսի բաժին:Կազմված փաստաթղթերն ուղարկվել են Մասիսի քննչական բաժին, որտեղ նախաձեռնվել է քրեական վարույթ: Երիտասարդը տեղափոխվել է ձերբակալվածների պահման վայր: ` Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
